බොජ්ඣංග පිරිත

සංසාරෙ සංසරන්තානං, සබ්බ දුක්ඛ විනාසකෙ, 

සත්ත ධම්මෙ ච බොජ්ඣංගෙ, මාරසෙනප්පමද්දිනො..

බුජ්ඣිත්වා යෝපිමෙ සන්තා, තිභවා මුත්තාහි උත්තමා, 

අජාතිං අජරබ්‍යාධිං, අමතං තිබ්භයං ගතා..

එවමාදි ගුණොපෙත අනෙක ගුණ සංගහං,

ඔසධංච ඉමං මන්තං, බොජ්ඣංගං තං භණාමහෙ..

බොජ්ඣංගො සති සංඛාතො, ධම්මානං විචයො තථා,

විරියං පීති පස්සද්ධි බොජ්ඣංගා ච තතො' පරෙ..

සමාධු පෙක්ඛා බොජ්ඣංගා, සත්තෙ තෙ සබ්බදස්සිනා, 

මුනිනා සම්ම දක්ඛාතා, භාවිතා බහුලීකතා.. 

සංවත්තන්ති අභිඤ්ඤාය, නිබ්බානාය ච බොධියා, 

එතෙන සච්ච වජ්ජෙන, සොත්ථි "තෙ" හොතු සබ්බදා.. 

එකසමිං සමයෙ නාථො, මොග්ගල්ලානඤ්ච කස්සපං, 

ගිලානෙ දුක්ඛිතෙ දිස්වා, බොජඣගෙ සත්ත දෙසයී..

තෙචතං අභිනන්දිත්වා, රොගා මුච්චිංසු තං බණෙ, 

එතෙන සච්ච වජ්ජෙන, සොත්ථි "තෙ" හොතු සබ්බදා.. 

එකදා ධම්මරාජා' පි, ගෙලඤේඤනා' භිපීළිතො, 

චුන්දත්ථෙරෙන තං යෙව, භණාපෙත්වාත සාදරං.. 

සම්මො දිත්වා ච ආබාධා, තම්හා වුට්ඨායි ඨානසො, 

එතෙන සච්ච වජ්ජෙන, සොත්ථි "තෙ" හොතු සබ්බදා..

 පහීනා තෙච ආබාධා තිණ්ණන්නම්පි මහෙසිනං, 

මග්ගාහත කිලෙසා ' ච, පත්තා ' නුප්පත්ති ධම්මතං, 

එතෙන සච්ච වජ්ජෙන, සොත්ථි "තෙ" හොතු සබ්බදා

(සියලු දේටම යහපති)